Wenye matatizo ya macho wakadiriwa kuwa ni takribani 1,740,000 wenye matatizo ya macho

Ikiwa ni maadhimisho ya wiki ya utoaji elimu juu ya ugonjwa wa shinikizo la macho ambayo huadhimishwa duniani kote, takwimu za shirika za afya duniani zinaonesha kwamba Tanzania inakadiriwa kuwa na watu 1,740,000 wenye matatizo yakutoona vizuri.

Akiongea na vyombo vya habari Leo makao makuu ya Wizara ya afya, naibu waziri wa afya, maendeleo ya jamii, jinsia wazee na watoto Faustine ndugulile, amesema kuwa maadhimisho hayo yalianzishwa kwa lengo la kuongeza uelewa kwa wananchi kuhusu ugonjwa wa shinikisho la macho ili kuweza kupunguza idadi ya watu wasio na uwezo wa kuona.

Pia amesema kuwa katika maadhimisho hayo kauli mbiu ni "okoa uoni wa macho yako" na kuongeza kuwa kauli hiyo ni sambamba na ujumbe mahususi kwa jamii kwenda kwenye vituo vya tiba kwa ajili ya kufanyiwa uchunguzi wa tatizo la shinikizo la macho na kusisitiza kuwa kila Mwananchi anapaswa kupima afya ya macho angala Mara moja kwa mwaka.

Aidha amebainisha kuwa waathiriwa wakubwa ni watu kutoka bara la Afrika ikiwemo Tanzania na rika linaloathirika zaidi ni watu wenye umri kuanzia miaka 40 na kuendela, na huanza na dalili ya kutoona mbali na pia hutokea kwa kuridhishana kifamilia na pia ugonjwa huzidi kadiri umri wa kuishi unapokuwa mkubwa.

Pia amesema kuwa kutakuwa na shughuli za elimu ya afya ya macho pamoja na upimaji wa afya ya macho kwenye hospitali mablimbali hapa nchini kwa wiki nzima kuanzia tarehe 11-17 machi kwa wale wote watakaojitokeza kwenye kliniki ya macho hivyo amewahimiza wananchi wote kujitokeza kwa wingi ili kiweza kupima afya ya macho.

Pia amesisitiza kuwa serikali kwa kushirikiana na wadau inaendelea kuboresha miundombinu pamoja na kuongeza wataalamu wa afya ya macho, vifaa na tiba ili kusogeza huduma za uchunguzi na tiba kwa matatizo ya macho ikiwemo shinikizo la macho karibu zaidi na wananchi ili kupunguza umbali wa kifuata huduma ya macho na kuongeza kuwa serikali itasimamia na kuhakikisha hali ya upatikanaji wa dawa za macho katika vituo vya tiba inazidi kuimarika zaidi.

Mwisho naibu waziri amewahasa wananchi kujijengea utaratibu wa kifanya mazoezi ya mwili na kuepuka kula vyakula visivyofaa na vyenye mafuta mengi na kusema kuwa wasipokuwa na utaratibu huo itapelekea magonjwa yasiyoambukizwa kuongezeka jambo ambalo litaigharimu serikali kwa matibabu ya magonjwa hayo yana gharama kubwa za matibabu.