Baada ya kuwasilishwa kwa ripoiti ya Mkaguzi wa hesabu za Serikali CAG wiki iliyopita na, Waziri wa Elimu na mafunzo ya Ufundi, Prof. Joyce Ndalichako, amesema anaitumia ripoti hiyo kama changamoto na chachu ya kuendelea kufanya kazi nzuri.
Ndalicho ameyasema hayo Aprili 17 mjini Dodoma, wakati akijibu hoja za ripoti ya CAG iliyosomwa wiki iliyopita bungeni.
“Serikali ya awamu ya tano kwenye suala la udhibiti haina utani kila mtu ameona kazi ambayo imefanyika, tunapopata ripotri ya CAG, inatupa chachu ya kuendeleza na kazi nzuri inayofanywa na serikali ya awamu ya tano,” amesema
Amesema kama CAG alivyoshauri, watafanyia kazi mapendekezo ya CAG na pia watawachukulia hatua watendaji wanaotumia vibaya fedha za umma.
Ndalichako alizungumzia hoja ya CAG kuhusu ukusanyaji hafifu wa fedha za mikopo ya wanafunzi wa elimu ya juu na akasema, tangu serikali ya awamo ya tano iingie madarakani, kumekuwa na ongezeko la ukusanyaji wa madeni hayo.
“Taarifa ya CAG 2015/16 hadi 2016/17 inaionyesha kuwa makusanyo yameongezeka kutoka Sh 28 bilioni hadi Sh 116 bilioni. Hilo ni ongezeko la asilimia 300. Takwimu hazidanganyi,” amesema
Hata hivyo amesema bado makusanyo hayo hayatoshelezi na ameitaka Menejimenti ya Bodi ya Mikopo kuhakikisha ukusanyaji wa mikopo unaimarishwa
.
Comments