Mkuu wa Mkoa wa Dar es Salaam, Paul Makonda amewataka
Wakandarasi wote waliokabidhiwa miradi ya ujenzi wa barabara kuhakikisha
wanazitengeza barabara kwa kiwango kinachotakiwa na kwamba watakaofanya chini ya kiwango
watazirudia kwa gharama zao.
Mkuu wa Mkoa wa Dar es Salaam, Paul Makonda
Akizungumza Dar es Salaam jana katika wa Hafla fupi ya
kusainisha mikataba minane ya ujenzi wa miradi ya barabara iliyojumisha Ofisi ya mkoa huo, Wakala wa
Barabara za Vijijini na Mijini-Tanzania
(TARURA) na wakandarasi mbalimbali Paul Makonda
ameitaka TARURA kuhakikisha ndani ya wiki mbili barabara zote
zilizojengwa chini ya kiwango zinarudiwa.
Alisema wakandarasi wanaokabidhiwa miradi ya barabara
wamekuwa na tabia ya kutotekeleza
majukumu yao ipasavyo kwani barabara wanazozijenga huharibika ndani ya muda
mfupi na kusababisha adha kwa watumiaji.
“ Nitoe rai kwa wakandarasi watakaoshindwa kuzitendea haki
fedha za kodi za wananchi kwa kujenga barabara chini ya kiwango watazigharamia
wenyewe,” Alisema Makonda.
Amebainisha kuwa wakandarasi wanatakiwa kuacha tabia ya kutoa
rushwa wakati wakidai malipo na kwamba wawasiliane na mamlaka husika walipe
stahiki zao.
Amewahimiza watendaji kutenga muda wa kwenda kuangalia
maendeleo ya miradi ya ujenzi wa barabara zitakazojengwa na zinazoendelea
kujengwa.
Kwa upande wake, Katibu wa Bodi ya Zabuni ya Tarura mkoani
humo, Devota Ndusilo ameitaja miongoni mwa
miradi ya ujenzi huo ni barabara ya Tegeta-Nyuki, Msasani-Mikocheni,
Haile Sellasie na Sea Clif- Mikocheni.
Naye Mkurugenzi Mtendaji wa Kampuni ya KGG Investment Ltd,
Richard Mlay amesema ana imani wakandarasi wote watazitendea haki barabara
walizokabidhiwa kwa kiwango cha juu.
Comments