 |
| Waasi wauwawa huko Damascus 62 Syria rebels dead in army ambush near Damascus |
Na Sabina Chrispine Nabigambo
Wanajeshi wa serikali ya Syria wamewashambulia na kuwaua takribani waasi
62 katika shambulizi la kushtukiza leo Jumatano karibu na mji mkuu
Damascus, Sirika la uangalizi wa haki za binadamu nchinih umo limearifu.
Jeshi la Syria limesema kuwa waliouwawa wengi wao wakiwa vijana ni
wafuasi wa kundi la wanajihad la Al Nusra, huku nane wengine wakiwa
hawajulikani walipo baada ya shambulio hilo lililotekelezwa majira ya
alfajiri karibu na mji wa viwanda wa Adra Kaskazini Mashariki mwa mji
mkuu.
Chanzo kutoka jeshi la serikali kimekaririwa na shirika la habari la
taifa SANA kikieleza kuwa jeshi limefanya shambulio la kushtukiza kwenye
kundi la magaidi wa kundi la Al Nusra ambao walikuwa wakijaribu
kupenyeza Mashariki mwa Ghuta na kushambulia kituo cha kijeshi.
Chanzo hicho kimeongeza kuwa magaidi wote wameuwawa na silaha zao kukamatwa ingawa idadi haijatajwa.
Mji wa Adra ulioko umbali wa kilomita 35 kutoka mji mkuu Damascus, ni
njia ya kuelekea Mashariki mwa Ghuta,ukanda wa kilimo ambako idadi kubwa
ya waasi wanapatikana.
Mnamo Julai 21, waasi 49 waliuwawa katika mapigano baina yao na
wanajeshi watiifu kwa serikali ya rais Bashar al Assad huko Adra.
Via kiswahili.rfi.fr
Comments