Wajerumani waliusambaratisha mji wa Tanga kwa mizinga kati mwaka 1888 na 1889. Na baada ya hapo
kuujenga upya kwa kufuata mpangilio uliosababisha Tanga kuwa na mitaa maarufu kama barabara ya kwanza ya pili na kuendelea.
Wajerumani walianzisha shule ya kwanza ya serikali Tanga 1892 na hapohapo wakanzisha bendi ya shule ya
kwanza, pamoja na kuwa Wajerumani hawakutawala muda mrefu baada ya hapo lakini Waingereza waliiendeleza sana bendi hiyo iliyokuwa ikipiga aina mbalimbali za muziki wa kigeni.
Dansi ilianza kwanza kama klabu ambapo watu walialikana kuja kucheza aina mbalimbali za muziki wa
kizungu mtindo maarufu unaojulikana kama 'ballroom dancing'.
Aina hizi za klabu zilianzia Mombasa na kuingia nchini kupitia Tanga na kisha kuletwa Dar es
Salaam na klabu iliyokuwa maarufu Tanga ili kujulikana kwa jina Tanga Young Comrades Club, klabu nyingine ilianzishwa ikaitwa New Generation Club ambayo ilianzisha matawi miji mbalimbali.
Wadau wa elimu waliupoteza muziki, kwa miaka ya nyuma katika kila shule kulikuwa kunafundishwa
somo la muziki lakini kwa kadri siku zinavyoenda somo hilo linaonekana kupotea.
Msanii nguli katika muziki wa dansi nchini John Kitime anasema kuwa takriba kila shule
ya sekondari miaka ya nyuma kulikuwa na kipindi cha muziki ambapo mwanafundi aliweza kujifunza
muziki.
"Tulukuwa na aina za muziki , tulitumia sana muziki wa Afro na wanafunzi katika kipindi hicho
cha miaka ya nyuma aliweza kuchagua aina ya sanaa.
"Wapo wanafunzi wengine walipendelea kujifunza muziki wa asili tu , nao walikuwa na nafasi yao,
kwa kweli kila sanaa ilifundishwa katika kipindi cha muziki shuleni,"anasema Kitime.
"Tulikuwa tukikutana na shule zingine katika masuala ya kupiga muziki ali iliyochochea mafanikio ya
wanamuziki wa dansi kupatikana nchini tofauti na sasa."
Kitime ambaye ni mdau katika medani ya muziki nchini anasema kuwa kutokana na mambo
yanavyokwenda kwa hivi sasa katika taswira ya sasa katika muziki wa sasa ambao ni Bongoflava.
Kitime anapasua jambo kwa kusema kuwa hali ya kutofundishwa masomo ya muziki kama yaliyokuwepo
awali ndio haswa mpasuko katika muziki.
"Bendi nyingi za dansi zilizowai kuwika wanamuziki wengi walianzia kuwika na kuonekana vipaji vyao
wakiwa bado shuleni sehemu waliyo pata kufundishwa masomo ya muziki.
"Kwa sasa Tanzania haijulikani inafanya muziki wa aina gani kwani hatuna tena asili ya muziki wa
Tanzania kama ilivyo wai kuwepo, wanamuziki wengi walipata kutia heshima katika anga za muziki miaka ya nyuma.
Kuhusu yeye kushauri vijana wa muziki wa Bongoflava anasema awezi kushauri kitu chochote katika muziki
huo kwa sababu yeye ajapata kuujua maka sasa aufahamu.
"Siwezi nikashauri kituambacho mimi sikijui , mie siujui muziki huo na sijawai kufanya muziki
wa aina hiyo , sasa siwezi kushauri chochote, mtu anashauri kituanacho kifahamu,"anasema Kitime.
Kitime anasema kuhusu kelele za wasanii kuibiwa kazi zao wasanii nyota huyo mkongwe katika anga za
muziki wa dansi ana tiririka kwa kusema kuwa.
"Wadau wa muziki wanakuwa wanailaumu serikali , kuwa wanaibiwa kazi zao za muziki lakini wao
wanawajua wezi wao , kimusingi anatakiwa alaumiwe anayemjua mwizi .
"Na si serikali kwani vyombo vya sheria vipo mtu anatakiwa akamate mwizi na kumpeleka
katika vyombo husika na kitendo cha kulalamika tu mdomoni na kusema serikali haiwajali, na wakati wao
wanamjua mwizi wao aitoshi kumkataza mwizi asiibe."
Kitime anapasua tena jibu kwa kusema kuwa yeye ametoka katika familia ya muziki kwani mama na baba
yake ni wazazi ambao waliopata kufahamika katika tasnia ya muziki hivyo hali hiyo ilimfanya yeye
kuchochea nyota yake kunga'ra katika tasnia ya muziki wake.
Pia John Kitime ni mtu ambaye hachoki kuhifadhi na kusambaza historia ya muziki nchini Tanzania kuanzia
ule tuliouita 'Muziki wa Dansi' .
Kitime anafanya hivyo kwa kutambua kwamba endapo juhudi binafsi hazitofanywa,basi kizazi cha Tanzania
cha miaka kumi ijayo,hakitojua wapi tulitoka katika medani za muziki.
Wataanzia tulipo na pengine kuishia tulipo.Wadau kadhaa wameisha wai kumuomba Kitime asisahau
kuandika kitabu ili kuhifadhi vizuri zaidi historia muhimu.Kwani kitime hadi sasa ni mdau wa ulimwengu
wa sasa anaye elimisha jamii kupitia mitandao ya kijamii anamiliki Blog tano za kijamii.Source Gazeti la Majira.
Comments