KIUNGO mshambuliaji wa kimataifa wa Tanzania, Mrisho
Khalfan Ngassa amesema Yanga SC kwa sasa ina matatizo mawili makubwa ya kutatua
haraka kabla ya Ligi Kuu ya Vodacom Tanzania Bara kuanza.
Tatizo la kwanza ni timu kukosa namba 10 na tatizo
la pili ni ubinafsi wa washambuliaji ambapo kila mtu anataka kufunga peke yake.
Ngassa aliyeondoka Yanga SC Mei mwaka huu kuhamia Free State Stars ya Afrika Kusini, amesema Yanga SC haina mchezaji wa kucheza nafasi ya namba 10 na pia wachezaji wote wa mbele wanataka kufunga.
Akizungumza na mdau wa habari hizi , Ngassa alisema kwamba Yanga SC ina wachezaji wa aina moja tu ambao wote wanaweza kucheza kama namba 9.“Yanga SC inakosa namba 10. Mchezaji wa kupenya penya pale ndani, Malimi Busungu anaweza kutumika namna hiyo, lakini mechi na Azam alicheleweshwa kuingia uwanjani,”alisema Ngassa.
Lakini pia mchezaji huyo wa zamani wa Yanga SC amesema kwamba kuna tatizo lingine katika safu ya ushambuliaji la Yanga, kila mchezaji anataka kufunga matokeo yake watu hawatengenezeani nafasi.
“Kila mtu anataka kufunga yeye, sasa hawatengenezeani nafasi. Ndiyo matokeo yake mnashambulia sana mabao hakuna. Lazima Yanga SC wabadilike,”ameongeza Ngassa.
Ngassa alikuwepo Uwanja wa Taifa, Dar es Salaam juzi wakati Yanga SC ikitolewa kwa penalti 5-3 na Azam FC katika Robo Fainali ya Klabu Bingwa Afrika Mashariki na Kati, Kombe la Kagame kufuatia sare ya 0-0 ndani ya dakika 90.
Na makocha Mholanzi, Hans van der Pluijm na mzalendo, Charles Boniface Mkwasa waliwaanzisha kwa pamoja Mrundi Amisi Tambwe na Mzimbabwe Donald Ngoma, huku Busungu akianzia benchi.
Ngassa aliyeondoka Yanga SC Mei mwaka huu kuhamia Free State Stars ya Afrika Kusini, amesema Yanga SC haina mchezaji wa kucheza nafasi ya namba 10 na pia wachezaji wote wa mbele wanataka kufunga.
Akizungumza na mdau wa habari hizi , Ngassa alisema kwamba Yanga SC ina wachezaji wa aina moja tu ambao wote wanaweza kucheza kama namba 9.“Yanga SC inakosa namba 10. Mchezaji wa kupenya penya pale ndani, Malimi Busungu anaweza kutumika namna hiyo, lakini mechi na Azam alicheleweshwa kuingia uwanjani,”alisema Ngassa.
Lakini pia mchezaji huyo wa zamani wa Yanga SC amesema kwamba kuna tatizo lingine katika safu ya ushambuliaji la Yanga, kila mchezaji anataka kufunga matokeo yake watu hawatengenezeani nafasi.
“Kila mtu anataka kufunga yeye, sasa hawatengenezeani nafasi. Ndiyo matokeo yake mnashambulia sana mabao hakuna. Lazima Yanga SC wabadilike,”ameongeza Ngassa.
Ngassa alikuwepo Uwanja wa Taifa, Dar es Salaam juzi wakati Yanga SC ikitolewa kwa penalti 5-3 na Azam FC katika Robo Fainali ya Klabu Bingwa Afrika Mashariki na Kati, Kombe la Kagame kufuatia sare ya 0-0 ndani ya dakika 90.
Na makocha Mholanzi, Hans van der Pluijm na mzalendo, Charles Boniface Mkwasa waliwaanzisha kwa pamoja Mrundi Amisi Tambwe na Mzimbabwe Donald Ngoma, huku Busungu akianzia benchi.
Comments