January Makamba : fursa za mazingira chanzo cha kuwainua kiuchumi wananchi

WAZIRI wa Nchi Ofisi ya Makamu wa Rais- Muungano na

Mazingira January Makamba ,amewataka watanzania
kutumia fursa za mazingira kama  chanzo cha kuwainua kiuchumi.

 

Mhe. Makamba amesema kuwa changamoto za mazingira

zikitumika vyema zitaweza  kutengeneza fursa nyingi za katika

kaya na jamii.

Amesema kuwa serikali imekuwa na harakati sahihi  katika

kutatua vikwanzo kwa wajasiriamali ambao wamewekeza

kupitia mazingira ili  kuhakikisha wanakuwa katika mazingira

mazuri.

"Bado tunaendelea kutumia mbinu mbalimbali za kuhakikisha

wananchi wanapata fursa za kiuchumi ambazo zinaondoa kero

ya uchafuzi wa mazingira,"amesema Makamba.

Amesema Serikali ya awamu ya tano imejipanga vema 

kuaendelea na mipango ya kuzuia  mifuko ya plastic ambapo

sasa wamesitisha utoa vibali kwa kiwanda kinachotaka

kuzalisha mifuko hiyo a nchini kwa kuwa imeonekana

inachafua mazingira.

Wakichangia mkakati huo wadau wa mazingira jijini Dar es

Salaam wamesema kuwa ili kufikia malengo serikali inapaswa

kutoa ushirikiano kwa wajasiriamali wadago ambao mlengo

wao  tayari umeonesha nia ya kuwekeza katika sekta ya

mazingira.

Naye Naibu Mkurugenzi Mkuu wa Shirika la Mazingira Duniani

(UNEP) Joyce Msuya, akichangia mada kwenye maonyesho ya

mjadala huo kuhusu fursa za kiuchumi katika mazingira,

ameweza kutoa ushauri na kusaidia kutatua changamoto za

mazingira.

Msuya amesema kuwa ili kufikia malengo inapaswa

kubadilisha wataalamu jambo ambalo litasaidia kuboresha

utendaji katika kupata fursa za kiuchumi kupitia changamoto

za mazingira.