Dk.Mnzava:Kume kuwa na hitaji kubwa na pengo katika mtaala unaofundisha masomo ya hifadhi ya jamii

CHUO cha Usimamizi wa Fedha (IFM) kimeliomba Baraza la Taifa la elimu ya ufundi (NACTE) kuharakisha utoaji wa ithibati ya rasimu mpya ya mtaala wakufundishia Astashahada na Shahada ya uzamili ya mafunzo ya utawala katika hifadhi ya jamii.

Makamu Mkuu wa Chuo hicho Dk. Emanuel Mnzava ametoa ombi  hilo leo wakati wa makabidhiano ya rasimu ya mtaala mpya wa masomo ya hifadhi ya jamii kutoka kwa kamati iliyoandaa rasimu hiyo.

“Kumekuwa na hitaji kubwa na pengo katika mtaala unaofundisha masomo ya hifadhi ya jamii kwa sasa, kutokana na ukweli kwamba baadhi ya vipengele havisawiri mazingira ya Tanzania,”amesema.

Dk. Mnzava amesema kuharakishwa kwa mtaala huo kutasaidia kutatua baadhi ya changamoto zilizopo katika sekta ya mifuko ya hifadhi ya jamii nchini kwakuwa itazalisha wataalamu wabobevu watakaoshiriki kutatua changamoto za sekta hiyo.

“Niwapongeze timu kwa kazi nzuri mliyoifanya japo mmechukuwa mda mrefu lakini mmeleta rasimu nzuri na bora iliyozingatia nguzo zote nne za taaluma ya hifadhi ya jamii na bahati nzuri mimi nimeshiriki sana katika uandaaji wa mitaala nimeipitia haraka naona inakidhi,”amesema.

Kwaupande wake Kiongozi wa kamati (timu) ambaye  ni Kamishina wa Mamlaka ya Bima Dk. Baghayo Saqware amesema kuwa kuna uhitaji wakufanyiwa marekebisho ya mtaala uliopo ili uwakisi mahitahi ya soko kidunia.

“Lengo la huu mtaala nikuongeza rasilimali watu watakaosoma masomo ya hifadhi ya jamii na mchakato wote umehusisha wadau mbalimbali na wanataaluma wabobevu kutoka vyuo saba nchini na vyuo vya nje ya nchi,"amesema.

Aidha Dk Saqware amesema mwisho wa programu hiyo itapelekwa NACTE kwa ajili yakufanyiwa tathimini itakayosaidia NACTE kutoa ithibati itakayo waruhusu IFM kudahiri wanafunzi.

Hata hivyo Dk. Saqware amesema kuna umuhimu wakufanya tafiti zakutosha ili kupata hadidu za rejea zitakazosaidia katika ufundishaji ili ziendane na mazingira ya nchi na kikanda.

Naye mmoja wawashirikki wa kamati hiyo Dk. Aley Soud wa Chuo Kikuu cha Zanzibar (SUZA) alisema timu yao ilikuwa makini kwenye kutizama mahitaji ya msingi ya mtaala huo nakutoa mapendekezo yao ya nini kifanyike.

“Sisi washiriki kutoka vyuo vikuu tunashukuru kushirikshwa katika mchakato huu natutaendelea kushirikiana na IFM pale mtakapotuhitaji,”amesema.

Aidha Dk. Soud amesema mtaala huo utasaidia sana nautatoa wigo mpana kwa mtu yeyote kusoma taaluma hiyo hata kwa ngazi ya cheti tofauti na sasa.

Rasimu hiyo ilianza kuandaliwa mwaka 2016 na timu ya wataalamu kutoka vyuo saba nchini ikiongozwa na Dk. Baghayo Saqware Mkurugenzi Mkuu wawakala wa Bima, Profesa Godfrey Sansa (Chuo Kikuu cha Dar es Salaam, Dk. Aley Soud Chuo Kikuu Zanzibar (SUZA)

Wengine ni Tumaini Yarumba (Chuo cha Ushirika Moshi),Dk. K.Mashaushi, Athur Ngasani, Frank Kitende wote wa IFM.