Wazazi wametakiwa kuacha kuegemea kuchangia sherehe za harusi badala yake wajikite kutoa msaada wa kiuchumi kwa watoto

Jamii imeshauriwa kuacha utamaduni wa kuyakimbia majukumu ya malezi ya kiuchumi badala yake 

ijikite katika kutoa eliumu ya ujasiriamali kwa watoto itakayosaidia kuwakomboa kiuchumi 

pamoja na kuliingizia taifa kipato.

Wazazi wametakiwa kuacha kuegemea kuchangia sherehe za harusi badala yake wajikite 

kutoa msaada wa kiuchumi kwa watoto wao wanaoshiriki harusi hizo kuwakwamua kiuchumi.

Hayo yamesemwa  jijini Dar es Salaam na Waziri wa Viwanda, Biashara na Uwekezaji Joseph

 Kakunda katika Maonesho ya Ujasiriamali kwa vijana yaliyoandaliwa na Taasisi ya Nama 

inayojishughulisha na masuala ya utoaji elimu ya ujasiriamali kwa vijana na kuwawezesha 

kupitia mikopo nafuu.

Amesema kuwa kuna utamaduni umejenga katika jamii ambapo wazazi hutumia fedha nyingi 

kwenye sherehe za harusi za watoto na kwamba baada ya harusi wanandoa huishi magumu 

kutokana kutowezeshwa kiuchumi.

" Jamii isikimbie malezi ya kiuchumi kwa watoto tuwape elimu ya ujasiriamali tusiishie 

katika kuchangia harusi baada ya harusi tukawaacha watoto kwenye hali ngumu," amesema 

waziri Kakunda.

Amebainisha kuwa vijana wamekuwa wakishindwa fursa za mikopo sababu ya kutopewa elimu

 sahihi ya njia za kupitia na kusisitiza wakati wengine hukwamishwa na watu wasiohusika 

nadni ya taasisi  husika.

Amesisitiza kuwa tayari ameshaiagiza Sido kutangaza fursa walizonazo ili vijana na watu

 wenye nia ya kupata mikopo wachangamkie fursa hiyo na kwa kila wilaya imetengwa sh 

bilioni 8 za mikopo kwa wahitaji

Kwa upande wake, Makamu Mkuu wa taasisi hiyo,Musa Msingwa amesema hadi sasa wameshawafikia 

vijana 130 ambao wamepewa elimu ya kutambua na kuchangamkia fursa zilizopo.

Amefafanua kuwa wana mikakati madhubuti ya kuhakikisha wanawafikia vijana wengine katika

 mikoa mingine ukiwemo mkoa wa Mtwara.

Naye mshiriki wa maonesho hayo ambaye pia ni Mkurugenzi Mtendaji wa Kampuni ya Matatu

 Enterprises, Hussein Abeid ameiomba Serikali kuendelea kutoa mitaji kwa wajasiriamali 

waweze kutafuta masoko ya uhakika na kujitangaza.