UONGOZI wa soko la
Mabibo maarufu mahakama ya ndizi umesema kuwa kwa sasa unajitaidi kuboresha
mazingira ikilinganishwa na hapo awali kabla ya utawala mpya wa soko.
Akizungumza Jijini Dar es Salaam leo
Meneja Masoko wa soko hilo James Msulwa alisema kuwa limejiimarisha katika
suala la usafi na usalama wa raia ikilinganishwa na kipindi cha nyuma.
Amesema Soko hilo lipo chini ya
uendeshaji wa serikali kwa sasa ambapo makusanyo ya maduhuri ya ushuri
hukusanywa moja kwa moja na serikali nakuwasilishwa manispaa ya Kinondoni
ushuru ni sh 500 hutozwa kila siku.
“Si vyema kujadili yaliyopita
hususani uongozi uliopita isipokuwa ninachoweza kusema nidhamu ya ukusanyaji
mapato kumechangia soko kuwa katika hali ya usafi na ubora,ukilinganisha na
hapo awali,” amesema Msulwa.
Msulwa amesema soko la mabibo linajumla
ya masoko 8 yaliyo gawanyika kwa mujibu wa vitengo vya mazao ya kilimo
yanayouzwa sokoni hapo.
Fatuma Shabani ambaye ni mfanyabiashara
wa nyanya soko namba moja(geti namba moja) aliliambia gazeti hili kuwa zipo
kasoro ndogondogo ambapo zikifanyiwa marekebisho zitakwisha.
“Kero iliyopo hapa kubwa ni choo
kutokana na wingi wa wafanyabiashara tuliopo ,geti namba moja peke yake lina
wafanyabiashara zaidi ya 300,choo kina matundu 8 ya haja kubwa yakiwa mawili na
haja ndogo yakiwa sita kwa jinsia zote mbili, unapofika wakati wakuelekea maliwato
kunakuwa na mafuriko,” amesema
Akijibu suala la choo Msulwa alisema
nikweli choo kina changamoto lakini wapo katika mchakato wakuboresha choo hicho
kwa mazingira yaliyopo ili kikidhi mahitaji ya wafanyabiashara.
“Kama nilivyokuambia ndugu mwandishi
soko hili lilikuwa chini ya uongozi mwingine na liligubikwa na mivutano ya
maslahi ya hapa na pale kupelekea baadhi ya huduma kudhorota lakini usisahau
kuwa lipo katika kipindi cha mpito kuwa kuna hati hati yakuhamishwa hapa kwa
hiyo watupe subira”, amesema
Naye John Kimario alisema kuhusu
usafi wa mazingira kwa maana uchafu aina ya taka ngumu huzolewa kila iitwapo
leo mzabuni anajitahidi isipokuwa magari hayatoshi hivyo aliuomba uongozi wa
soko kushughulikia suala hilo.
Msulwa amesema jambo hilo
linashughulikiwa na saa chache kabla ya gazeti hili kufika sokoni hapo alikuwa
katika mazungumzo na ofisa mazingira ili kuona uwezekano wa kuongeza gari za
kuzoa taka.
Kuhusu vibaka na wazururaji sokoni
hapo hutokea mara chache sana kutokana na ulinzi kuimarishwa baina ya kituo cha
polisi jamii na wafanyabiashara sokoni hapo.
Comments